Tarashaj, futbollisti më i mirë i muajit gusht në Zvicër

Kosovari Shani Tarashaj është zgjedhur futbollisti më i mirë i muajit gusht.

Ai ka marrë bindshëm më shumë vota në një sondazh online të hapur nga gazeta e njohur zvicerane, Blick.

Për talentin me rrënjë nga Kosova, i cili luan për  Grasshopers GC, kanë votuar jo më pak se 59.627 lexues ndërsa kandidatët tjerë kanë marrë dukshëm më pak vota në këtë garë të Blick-ut, përcjell albinfo.ch.

23.848 kanë votuar për 20-vjeçarin Hopper ndërsa 23 186 i ka marrë Michael Lang nga Bazeli.

Tarashaj deri tani ka shënuar gjashtë gola për GC-në, dhe  golin vendimtar të fitores për përfaqësuesen zvicerane U21 kundër Kazakistanit.