Të drejtat e homoseksualëve: Kosova para Italisë !

Shqpëria dhe Kosova më mirë të notuara nga shoqata ILGA se disa vende evropiane të zhvilluara

Në klasifikimin e muajit maj 2011 të Shoqatës ndërkombëtare të Lesbikeve dhe Gej-ve (ILGA – International Lesbian and Gay Association), Shqipëria dhe Kosova gjenden diku në mes të vendeve evropiane perëndimore dhe lindore në klasifikimin e mbrojtjes legale të të drejtave të homoseksualëve, të gej-ve, biseksualëve si dhe transeksualëve, njofton «Rue 89».

Edhe pse ky klasifikim i Kosovës është i ulët, me vetëm 1 pikë ndër 17 pikë maksimale, pozita e Italisë është me 0 pikë. Shqipëria radhitet në grupin e vendeve të cilat janë notuar me nga 2 pikë, kurse Maqedonia me minus dy pikë (-2). Në tabelën në fjalë, Kroacia shënon 6 pikë dhe është në epërsi në krahasim edhe me Francën, e cila ka marrë vetëm 5 pikë.

Britania e Madhe radhitet në krye të listës së mbrojtjes të të drejtave të homoseksualëve me 12.5 pikë, kurse në fund të listës ndodhen Bjellorusia (-3), Moldavia (-3) dhe Ukraina (-4).

Duhet pasur parasysh se kjo tabelë merr në konsideratë vetëm situatën në plan legjislativ dhe nuk i ka të inkorporuara të dhënat e drejtësisë. Duhet nënvizuar faktin se në disa shtete, dhe ate ndër më mirë të klasifikuarat, shënohet një zgjatje dhe, madje edhe një rritje e akteve homofobe.

Për të mësuar më shumë rreth kritereve të këtij klasifikimi klikoni këtu: http://static.albinfo.ch/Side_B_-_Rainbow_Eurpe_Index_May_2011.pdf