Të Gjelbrit fillojnë fushatën me thirrje kundër centraleve bërthamore

Leuenbreger: "secila votë që do të jepet për të gjelbrit do të jetë njëkohësisht votë kundër centraleve bërthamore"

ë Gjelbrit e Zvicrës, fushatën e tyre për zgjedhjet nacionale që do të mbahen këtë vit, e kanë identifikuar në tërësi me rezistencën kundër ndërtimit të centraleve bërthamore për prodhimin e energjisë elektrike.

Siç ka deklaruar në një konferencë për medie kryetari i Partisë së Gjelbër të Zvicrës, Ueli Leuenberger, njëri ndër vendimet më të rëndësishme që do të marrë legjislatura e ardhshme e Parlamentit Federal të Zvicrës, ka të bëjë me ndërtimin e centraleve atomike për prodhimin e energjisë elektrike.

Prandaj, Leuenberger ka bërë me dije se “secila votë që do të jepet për të gjelbrit do të jetë njëkohësisht votë kundër centraleve bërthamore, njofton NZZ.ch.

Ai po ashtu ka shpalosur synimin e tij që partia të cilën e drejton, në zgjedhjet e ardhshme të mbërrijë në shkallën 10 për qind të elektoratit.