Të lënduarit nga granata e dorës në Prizren, jashtë rrezikut për jetën

Mediat e Kosovës shkruajnë se të lënduarit nga granata e dorës në Prizren janë jashtë rrezikut për jetën, përcjell albinfo.ch.

Pesë nga të lënduarit në tregun e kafshëve në Prizren janë dërguar në Qendrën Klinike Universitare të Kosovës, pas hedhjes së një granate dore në orët e para të së mërkurës.

Shefi i Emergjencës në Prizren, Hekuran Veçgishti, ka konfirmuar për KOHËN se katër të tjerët janë liruar për në shtëpi.

“Fillimisht, kanë ardhur nëntë persona. Më pas, ka ardhur edhe një. Katër prej tyre janë liruar, pesë janë dërguar në QKUK, pasi kanë pasur lëndime që s’trajtohen në spitalin tonë”, ka thënë Veçgishti.