Të paktën 12 persona kanë vdekur në Evropë nga stuhia Ciaran

albinfo.ch

Të paktën 12 persona kanë vdekur pasi stuhia Ciaran ka goditur Evropën Perëndimore me erëra të forta, deri në 200 kilometra në orë.

Portet janë mbyllur, teksa udhëtimet me tren dhe avionë u anuluan.

Autoritetet italiane kanë njoftuar sot se pesë persona kanë vdekur në Toskanë, ndërsa ishte shpallur gjendje e jashtëzakonshme për shkak të reshjeve rekord.

“Ajo që ndodhi sonte në Toskanë ka një emër: ndryshimi i klimës”, ka shkruar në Twitter, guvernatori i Toskanës, Eugenio Giani, përcjell albinfo.ch.

Në anën tjetër, Mbrojtja civile e Italisë tha se 200 milimetra shi ranë brenda tri orëve.

Ndryshe, shumica e vdekjeve në Evropë janë shkaktuar nga pemër që janë rrëzuar nga erërat dhe stuhitë.

Pasojat e stuhisë kanë shkaktuar vdekje në edhe në Belgjikë, Francë, Holandë, Gjermani, Angli dhe të tjera.