‘The Sun’: Xhaka nuk shkon askund, Arteta e bind lojtarin

Xhaka mund të mos largohet nga Arsenali

Duket se Granit Xhaka do të vazhdojë të jetë emri kryesor i merkatos së janarit tek skuadra e Arsenal.

Meqenëse mesfushori me prejardhje kosovare, Xhaka, tash e sa kohë flitet për një largim të mundshëm nga Arsenal, për t’u rikthyer në Bundesliga, kjo gjë nuk mund të ndodhë, transmeton albinfo.ch.

Është skuadra e Hertha Berlin ajo që thuhej të kishte siguruar një marrëveshje me lojtarin, por me ndryshimin e trajnerit te ‘Gunners’, duket se ka ndryshuar edhe situata e Xhakës.

Sipas raportit, Mikel Arteta ka zbuluar se i ka thënë Xhakës që është gati ta përkrahë atë dhe të shtyjë klubin për ta përkrahur atë, shkruan ‘The Sun’.

Po ashtu, trajneri spanjoll beson se ish-kapiteni i Arsenalit është një lojtar shumë i mirë dhe mund ta shijojë lojën nën urdhrat e tij.

Kujtojmë se problemet e Xhakës me Arsenalin kishin filluar në tetorin e vitit të kaluar, në ndeshjen kundër Crystal Palace, kur ai përballej me vërshëllimat e tifozëve dhe nuk arriti të kontrollonte nervat e tij.

Por, tashmë duket se gjithçka është kaluar dhe lojtari do të qëndrojë tek Arsenali, për të luajtur nën urdhrat e Arteta-s. /Albinfo.ch.

---