Thellohet bashkëpunimi mes Universitetit të Prishtinës dhe Lionit

Ministri Murati ka vizituar Universitetin e Lionit, me qëllim të thellimit të bashkëpunimit në mes Universitetit të Prishtinës dhe atij francez

Ministri i Diasporës, Valon Murati ka qenë në Francë, derisa ka pasur takime mjaft të rëndësishme, raporton albinfo.ch.

Ai ka vizituar Universitetin e Lionit, me qëllim të thellimit të bashkëpunimit në mes Universitetit të Prishtinës dhe atij francez.

Lajmin e ka bërë të ditur vetë ministri Murati. “Së bashku me ambasadorin Qëndrim Gashi patëm një takim pune në Universitetin e Lionit 1 me që rast u pritëm nga prorektorja Anne Giroir Fendler, profesori Petru Mironescu dhe kolegë të tjerë nga Instituti i Matematikës. Në takim biseduam për thellimin e bashkëpunimit në mes të dy universiteteve e posaçërisht në zgjerimin e programit aktual që zhvillohet në mes të departamenteve të matematikës. Është inkurajues entuziazmi që gjetëm këtu për të ngritur edhe më tej nivelin e bashkëpunimit me UP-në”, ka shkruar ministri në “Facebook”.