Futboll
Tifozët e Liverpoolit e duan Shaqirin në skuadër
Tifozët e Liverpoolit e kanë këshilluar trajnerin Jurgen Klopp ta mbajë Xherdan Shaqirin në skuadër
Tifozët e Liverpoolit e kanë këshilluar trajnerin Jurgen Klopp ta mbajë Xherdan Shaqirin në skuadër në mënyrë që ta përdorë atë në pjesën e sezonit kur agjenda e ndeshjeve është më e ngjeshur.
Përderisa Liverpooli është duke e shijuar një tjetër sezon fantastik deri më tani, Xherdan Shaqiri nuk është duke e kaluar periudhën më të mirë të karrierës së tij, transmeton Gazeta Express.
Ylli zviceran me origjinë nga Kosova e bëri transferimin nga Stoke City në Liverpool para sezonit 2018/19 dhe ai pati ndikim të menjëhershëm në skuadrën e Jurgen Kloppit sezonin e kaluar.
Ai i shënoi gjashtë gola në Premierligës, por mundësitë për ta dëshmuar veten u bënë gjithnjë e më të rralla për të në fund të sezonit, rrjedhë kjo që ka vazhduar edhe në këtë sezon 2019/20.
Shaqiri është cilësuar si “njeriu i harruar” në Liverpool, gjatë asaj që mund të jetë një sezon historik për skuadrën e Jurgen Kloppit.
Por, Shaqiri, përderisa ndihet i pakënaqur që s’ka luajtur më shumë se 11 minuta këtë sezon në Premierligë, insiston se ai është ende duke luftuar për një vend në formacion e parë, tentim ky që është dëmtuar nga lëndimet e tij këtë sezon.
“Natyrisht që jam i pakënaqur që s’luaj më shpesh. Nëse ky nuk është reagimi i një profesionisti, atëherë ai është duke e bërë punën e gabuar. Ai, Kloppi, nuk mund ta diskutojë personalisht rolin e secilit lojtar, kjo është normale”, ka thënë Shaqiri.
Faqja e tifozëve të Liverpoolit, Echo, të hënë e publikoi një artikull ku sugjerohej se 28-vjeçari mund të rezultojë i nevojshëm për skuadrën e Liverpoolit në të ardhmen. Ky artikull nxiti reagim nga disa ndër tifozët ultras të Liverpoolit raporton Gazeta Express.
Frank Powell: “Duhet ta mbajmë Shaqirin, ai do ta ketë rastin e vet. Duhet të ketë durim”.
Gary Moss: “Ai di të jetë elektrizues. A e mbani mend atë gol në debutimin e tij?”
Cade Rotol: “Ai harrohet dhe pastaj, kur na nevojitet një gol në minutat e fundit, na bie ndër mend për të”.
Davvydoe Jasper : “Në të njëjtën mënyrë si Fabinho dhe Origi nuk kishin shumë minuta lojë në ndeshjet në fillim të sezonit të kaluar, unë besoj se Shaqiri do të jetë më i nevojshëm më vonë. Kur agjenda e ndeshjeve të bëhet më e ngjeshur, ai do t’i duhet skuadrës”.
Ronald February: “Kloppi duhet t’i japë atij më shumë minuta lojë”, percjell Albinfo.ch.
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Gjeneva, më e pasur Qyteti i Gjenevës ka zbuluar se llogaritë e tij do të tregojnë një tepricë prej 200...
-
Gjenevë: Vjedhjet e biçikletave – zgjidhen rrallë
-
Zvicër: Projekti kombëtar i testimit të tokës zhvillohet të shtunën dhe të dielën
-
Zvicra nuk do të ketë një ‘Indeks të Lumturisë Kombëtare Bruto’
-
Netflix në Zvicër, me kosto të lartë