Shqipëria
Tirana bashkon kryebashkiakët evropianë më 5 shkurt
Tirana do të presë jo vetëm kryebashkiakët më të rëndësishëm në botë si Anne Hidalgo e Parisit apo Jaume Collboni Cuadrado i Barcelonës, por do të firmoset edhe një deklaratë e përbashkët për angazhimet e reja

Tirana do të mirëpresë më 5 shkurt një prej ngjarjeve më të rëndësishme ndërkombëtare të vitit: Pact of Free Cities (Pakti i Qyteteve të Lira). Ky rrjet global qytetesh, i themeluar nga kryebashkiakët e kryeqyteteve të Vishegradi,t ka si mision mbrojtjen e demokracisë, lirisë dhe vlerave progresive.
Tirana do të presë jo vetëm kryebashkiakët më të rëndësishëm në botë si Anne Hidalgo e Parisit apo Jaume Collboni Cuadrado i Barcelonës, por do të firmoset edhe një deklaratë e përbashkët për angazhimet e reja.
Do të ketë dhe disa panele diskutimi ku kryetarët e bashkive do të prekin tema si siguria e qyteteve në kohë krizash, qëndrueshmërinë e qyteteve dhe migracionin. I pranishëm pritet të jetë edhe kryeministri shqiptar Edi Rama, transmeton albinfo.ch.
Në këtë rrjet bëjnë pjesë metropole të mëdha si: Athina, Amsterdami, Barcelona, Budapesti, Berlini, Bratislava, Brukseli, Firence, Frankfurti, Gdansk, Hamburgu, Kievi, Lisbona, Lviv, Lubljana, Londra, Los Angeles, Mannheim, Milano, Munihu, Parisi, Podgorica, Praga, Rijeka, Riga, Roma, Stuttgarti, Taipei, Taoyuan, Timisoara, Tirana, Ulm, Neu-Ulm, Vjena, Vilnius, Varshava, Zagrebi, Sofja, Reykjavik, Kharkiv, si dhe Association of German Cities.
Ky samit vjen në një moment kur qytetet po kthehen në qendra të rëndësishme të politikave progresive dhe po pozicionohen si zgjidhës të problemeve globale përballë ngurrimit ose ngadalësisë së qeverive kombëtare. “Pact of Free Cities” synon të forcojë bashkëpunimin mes qyteteve, të ndajë praktikat më të mira dhe të sigurojë fonde direkte nga BE-ja për zhvillimin urban.
Me organizimin e këtij eventi, Tirana forcon rolin e saj si një aktor i rëndësishëm në arenën ndërkombëtare, duke u rreshtuar krah qyteteve që mbështesin një shoqëri të hapur, të lirë dhe të barabartë.
E-Diaspora
-
Një shqiptar është arrestuar nga policia italiane, po trafikonte 30 kg kokainë Si dy bashkëpunëtorët u kapën teksa shkëmbenin pakot e drogës...
-
Bandat shqiptare tashmë dominojnë tregun e drogës në Britaninë e Madhe
-
Arrestohet një shtetas i RMV-së në Zvicër, dyshohet si udhëheqës i një grupi mafioz
-
Njoftim i rëndësishëm për konvertimim e patentës së shoferit në Austri
-
Koncert në shënim të 17-vjetorit të Pavarësisë së Kosovës në Bernë
Jeta në Zvicër
-
Në cilat qytete zvicerane ka ulje të qirave Rritjet dhe uljet e qirave zvicerane...
-
Për platformën e vlerësimit të linjave ajrore, SWISS larg pritshmërive
-
Çfarë pritet të bëhet më i lirë në Zvicër?
-
Arrestohet një shtetas i RMV-së në Zvicër, dyshohet si udhëheqës i një grupi mafioz
-
Gjeneva pyet prindërit për pushimet e shkollës