Tottenhami dhe West Brom, në garë për Muriqin

Tottenhami dhe West Bromi po tentojnë ta bindin Fenerbahçen që t’ua shesë yllin kosovar.

Mediat turke raportojnë se futbollisti kosovar mund të luajë në Premierligë në sezonin e ardhshëm.

Tottenhami dhe West Bromwich Albioni duket se janë dy klubet më të interesuara për sulmuesin prizrenas.

Fenerbahçe po planifikon ta shesë 26-vjeçarin këtë verë dhe klubi turk do të mundohet të nxjerrë sa më shumë para nga shitja e tij.

E përditshmja turke “Sabah” raporton se klubi nga Stambolli i kërkon 20 milionë euro për përfaqësuesin kosovar.

Interesim për Muriqin ndërkohë kanë shfaqur edhe klubet e tjera angleze, si Manchester United, Newcastle United, Leicester City, Leeds United, Southampton, Brighton e Burnley.

Muriqi ka kontratë me Fenerbahçen deri në vitin 2023.