Trazira në Milano: Protesta për Gazën shpërthen në dhunë, 60 policë të plagosur

Protesta për Gazën në Milano u shndërrua në kaos ditën e sotme, veçanërisht pranë Stacionit Qendror. Një grup i rinjsh të veshur me të zeza u përpoq të hynin me forcë në metro, duke shkatërruar hyrjen dhe plagosur dhjetëra persona. Përplasjet shkaktuan devijime të trenave për më shumë se një orë.

Rreth 60 oficerë policie u plagosën, 23 prej të cilëve u trajtuan në spital, ndërsa disa protestues u ndaluan. Grupi i dhunshëm përdori shishe, kanaçe dhe një fikës zjarri si barrikada dhe sulmoi policinë me bomba tymi.

Kryebashkiaku i Milanos, Giuseppe Sala, dënoi dhunën dhe theksoi se vandalizmi nuk ndihmon kauzën palestineze. Ministri i Brendshëm Matteo Piantedosi e përshkroi ngjarjen si një sulm të qëllimshëm ndaj policisë, transmeton albinfo.ch.

Mijëra njerëz morën pjesë në marshim, duke filluar nga Piazza Cairoli dhe duke u drejtuar drejt Stacionit Qendror. Disa protestues digjnë flamuj të SHBA-së, Izraelit, NATO-s dhe BE-së. Greva, e thirrur nga Sindikata e Punëtorëve Bazë (USB), shkaktoi mbylljen e linjës 4 të metrosë dhe vonesa të konsiderueshme të trenave deri në 150 minuta.

Protesta dhe greva kundër ofensivës izraelite u mbajtën edhe në qytete të tjera italiane, duke bllokuar rrugët, portet dhe transportin publik. Ministri i Transportit Matteo Salvini minimizoi ndikimin, ndërsa qeveria e kryeministres Giorgia Meloni mbetet në anën e Izraelit, pa plane për të njohur një shtet palestinez.