Treni godet veturën, dy të vdekur në Klinë

Dy persona kanë vdekur dhe katër të tjerë janë lënduar në një aksident që ka ndodhur në Klinë.

Sipas policisë, rreth orës 17:40 ka ndodhur një aksident mes një treni dhe një veture në fshatin Dush të Komunës së Klinës. 

Vetura është goditur nga treni, shkruan Albinfo. Ch. 

Pak më parë policia kishte njoftuar se një grua 39 vjeçe kishte vdekur si pasojë e lëndimeve të marra ndërsa sipas mediave vendase, edhe një person i dytë nga të lënduarit ka ndërruar jetë. 

Të lënduar nga gjithësej katër sa janë, dy nga ta janë fëmijë të moshës 5-7 vjeçare. 

Fëmijët janë dërguar në QKUK për trajtim ndërsa të lënduarit e tjerë janë trajtuar në spitalin e Pejës. 

---