Tri çmime ndërkombëtare për Aeroportin “Adem Jashari”

Aeroporti në Prishtinë ka marrë tri certifikata zyrtare evropiane për shërbime të mira për pasagjerë, shërbime fer për biznese dhe kompani fluturimesh

Organizata Ndërkombëtare për Standardizim (ISO) e ka “stolisur” aeroportin ndërkombëtar “Adem Jashari” në Prishtinë me tri certifikatat zyrtare, për përmirësimet e vazhdueshme të operimeve për pasagjerët, për kompanitë ajrore dhe partnerët e biznesit në menaxhimin e kualitetit.

Certifikata e parë ISO 9001, sipas “Telegraf”, iu dha Aeroportit të Prishtinës, për rritjen dhe përmbushjen e standardeve të kualitetit.

“Aeroporti u certifikua me ISO 14001 për sistemin e menaxhimit të ambientit përderisa ISO 10002 është për menaxhimin të sistemit të ankesave drejt përmbushjes së kënaqshmërisë  ë klientëve që është edhe njëra ndër prioritetet e kompanisë “Limak Kosovo International Airport”, thuhet në raport.

Mertol Genc është drejtor gjeneral i e kompanisë “Limak Kosovo International Airport”.

“Certifikata na bën të ndihemi krenar drejt përmbushjes së vizionit tonë për zhvillimin e ANP “Adem Jashari””, tha Genc, sipas të cilit, KIA si një korporatë e klasës botërore do të sigurojë edhe më tej operime efikase të kualitetit të lartë.