Lajme
Trump humb betejën ligjore me ‘Twitter’
Twitter dhe platforma të tjera sociale ndaluan Trumpin nga shërbimet e tyre, pasi ky i fundit i dha mbështetje turmave të cilët sulmuan Kapitolin, pas trazirave më 6 janar 2021.
Gjykatësi i qarkut amerikan në San Francisko, James Donate, ka hedhur poshtë të premten padinë e ish-presidentit të Shteteve të Bashkuara të Amerikës, kundër platformës sociale, Twitter, pas platforma në fjalë pezulloi llogarinë e tij në Twitter, menjëherë pas sulmit në Kapitol – vend takimi i Kongresit dhe selia e degës legjislative të qeverisë federale.
Gjykatësi Donate, përmes një vendimi me shkrim kundërshtoi argumentin e Trump, se Twitter-i shkeli të drejtën e tij për lirinë e fjalës të garantuar nga amendamenti i parë i kushtetutës amerikane.
Sulmi në Kapitol ishte rrjedhojë e një fjalimi të Trump, në të cilin ai përsëriti pretendime të rreme se humbja e tij në zgjedhje në nëntor ishte për shkak të mashtrimit, një pohim i hedhur poshtë nga shumë gjykata dhe zyrtarë të zgjedhjeve shtetërore, transmeton AP përcjell Albinfo.ch.
Avokatët e Trump pretenduan në një dosje gjyqësore vitin e kaluar se Twitter “ushtron një shkallë pushteti dhe kontrolli mbi diskursin politik në këtë vend që është i pamatshëm, historikisht i paprecedentë dhe thellësisht i rrezikshëm për të hapur debatin demokratik”.
Twitter tha se postimet e tij në Twitter kishin shkelur politikën e platformës që ndalonte “glorifikimin e dhunës”. Kompania tha atëherë se cicërimat e Trump kishin gjasa të mëdha për të inkurajuar njerëzit që të përsërisnin atë që ndodhi në trazirat e Kapitolit.
Para se të bllokohej, Trump kishte më shumë se 88 milionë ndjekës në Twitter dhe e përdorte atë si megafonin e tij të mediave sociale.
E-Diaspora
-
Rama njofton për programin e veçantë për emigrantët që duan të investojnë në Shqipëri Kryeministri i Shqipërisë, Edi Rama, njoftoi sot për një program të veçantë për të gjithë emigrantët...
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
-
Arbëreshët, kjo rrënjë e fortë e Atdheut!
-
Osmani u drejtohet bizneseve amerikane në Teksas: Investoni në Kosovë
Jeta në Zvicër
-
“Qeveria kantonale duhet të sjellë Eurovisionin në Cyrih” Kwshilltarja kantonale e GLP-sw, Chantal Galladé dëshiron të dijë nga qeveria kantonale se si është e...
-
Hedhja e parave nga qielli në Cyrih: Një 12-vjeçar është plagosur rëndë me sende të mprehta
-
Zvicra ‘shtyn’ ukrainasit të punojnë më shumë
-
Kështu e imagjinojnë qytetin e tyre vajzat e Bazelit
-
Përdorimi më i ulët i armëve të policisë zvicerane në 14 vjet