Trump: Kemi kapur presidentin e Venezuelës dhe gruan e tij

Maduro dhe gruaja e tij janë arrestuar nga Delta Force e ushtrisë amerikane, detaje të reja

Presidenti i SHBA-së, Donald Trump, ka deklaruar se SHBA-të kanë kryer “sulme në shkallë të gjerë kundër Venezuelës” dhe kanë kapur udhëheqësin e saj, presidentin Nicolas Maduro dhe gruan e tij, përcjell albinfo.ch.

Trump e njoftoi këtë në një deklaratë në rrjetin e tij social Truth Social.

“Shtetet e Bashkuara të Amerikës kanë kryer me sukses një sulm në shkallë të gjerë kundër Venezuelës dhe udhëheqësit të saj, presidentit Nicolas Maduro, i cili, së bashku me gruan e tij, është kapur dhe është larguar me aeroplan nga vendi”, shkroi Trump.

“Ky operacion u krye në bashkëpunim me forcat e rendit të SHBA-së. Detajet do të vijojnë më poshtë. Do të ketë një konferencë për shtyp sot në orën 11:00, në Mar-a-Lago. Faleminderit për vëmendjen tuaj ndaj kësaj çështjeje! Presidenti DONALD J. TRUMP”, shtoi ai.

https://truthsocial.com/@realDonaldTrump/posts/115830428767897167

---