Lajme

Trump pritet të paraqitet për herë të parë në publik pas infektimit

E shtunë, 10 Tetor 2020 - 20:40 albinfo.ch
Keystone EPA/ANNA MONEYMAKER / POOL

Presidenti i Shteteve të Bashkuara të Amerikës (SHBA), Donald Trump, të shtunën do të ketë ngjarjen e parë publike pas prekjes me COVID-19.

Ai pritet të mbajë fjalim nga ballkoni i Shtëpisë së Bardhë para qytetarëve amerikanë, transmeton Klan Kosova.

Trump më 2 tetor e kuptoi se ishte me koronavirus, ai kaloi tri net në spital para se të kthehej në Shtëpinë e Bardhë të hënën.

Mjekët e tij kanë thënë se ai është në gjendje stabile shëndetësore dhe se nuk ka shfaqur shumë simptoma të virusit.

Një zëdhënëse e Shtëpisë së Bardhë tha të premten se Trump do të testohet për COVID-19 dhe nuk do të dalë në publik nëse përcaktohet se ai ende mund të përhapë virusin, shkruan Reuters, përcjell Albinfo.ch.

 Të ngjashme

Ish-presidenti Trump hap kompani të re mediatike dhe platformë sociale

 Të tjera nga Lajme

46-vjeçari nga Kosova del para gjykatës në Zvicër, akuzohet për vrasjen e partneres

 E-Diaspora

 Jeta në Zvicër