Trump rrit tarifat për automjetet e BE-së

(KEYSTONE/DPA/Julian Stratenschulte)

Presidenti amerikan Donald Trump ka njoftuar se Shtetet e Bashkuara do të rrisin tarifat doganore për automjetet dhe kamionët që importohen nga Bashkimi Evropian në 25 për qind.

Sipas tij, kjo masë vjen si reagim ndaj, siç e ka quajtur ai, moszbatimit të plotë të një marrëveshjeje tregtare nga ana e Brukselit. Ai ka theksuar se vendimi pritet të hyjë në fuqi javën e ardhshme.

Trump ka shtuar se tarifat e reja nuk do të vlejnë për automjetet që prodhohen brenda SHBA-së.

Ky zhvillim ka shtuar shqetësimet për një përshkallëzim të mundshëm të tensioneve tregtare mes SHBA-së dhe BE-së, në një kohë kur industria evropiane e automobilave po përballet me sfida të mëdha, përfshirë konkurrencën globale dhe kalimin drejt makinave elektrike.

Në Bruksel, zyrtarët e BE-së kanë shprehur shqetësim për ndikimin që mund të kenë këto tarifa në tregtinë transatlantike dhe kanë paralajmëruar një reagim zyrtar, si dhe masa të mundshme reciproke nëse vendimi zbatohet.

Industria automobilistike evropiane, një nga sektorët më të rëndësishëm të ekonomisë së BE-së, pritet të përballet me rritje kostosh dhe ulje të konkurrueshmërisë në tregun amerikan.