Turistët, të pakënaqur që tash po bëhet rikonstruksioni i memorialit Skënderbeu

 “Donim ta vizitonim, por nuk ishte e mundur. Sepse po bëhen rinovime, por nuk është koha e duhur. Ky është një sabotim i turizmit për Lezhën", ka thënë një turistët.

Shumë turist që po kalojnë pushimet në Shqipëri kanë ndarë kohë që të vizitojnë edhe vendvarrimin e Skënderbeut në Lezhë por një gjë të tillë nuk kanë mundur ta bëjnë. Shkak për këtë është bërë rikonstruksioni që po bëhet bë memorialin e mbyllur e që punimet pritet të zgjasin deri në fund të këtij viti. Ora nës raporton se çdo ditë aty gjen grupe të ardhur nga vende të ndryshme, por që nuk mund ta vizitojnë memorialin e kjo i ka zhgënjyer shumë turistë. Ata thonë se  punimet duhej të kryheshin në një kohë tjetër më të përshtatshmee jo në sezonin turistik.

“Donim ta vizitonim por nuk ishte e mundur. Sepse po bëhen rinovime, por nuk është koha e duhur. Ky është një sabotim i turizmit për Lezhën”, ka thënë një turist.

E përgjegjësi i Trashëgimisë Kulturore në Bashkinë Lezhë, Paulin Zefi ka deklaruar se punimet mund të ishin kryer më herët ose në përfundim të sezonit turistik, por sipas tij, e rëndësishme është që tashmë ky investim  mjaft i domosdoshem po realizohet.