Lajme
Turqia i reagon ashpër Kosovës shkaku i Jerusalemit
Autoritetet shtetërore të Turqisë i kanë reaguar ashpër institucioneve të Kosovës, pas zotimit të kryeministrit Avdulla Hoti në Washington për hapjen e ambasadës së Kosovës në Jesusalem.
“Ngjall zhgënjim edhe sikur autoritetet kosovare ta merrnin në konsideratë hedhen e një hapi të tillë, i cili do të përbënte shkelje flagrante të të drejtës ndërkombëtare”,- thuhet në një komunikatë të Ministrisë së Punëve të Jashtme të Turqisë, përcjell Albinfo.ch
“Turqia është ndër vendet e para që e kanë njohur Kosovën dhe që në fillim ajo vazhdon t’u japë një mbështetje të madhe përpjekjeve për njohjen e këtij vendi në arenën ndërkombëtare. Por ne si Turqi nuk e vlerësojmë të drejtë që ky proces të ndërtohet në kundërshtim me të drejtën ndërkombëtare dhe veçanërisht mbi dhimbjet e popullit palestinez me territore të okupuara,- thuhet në komunikatën e Ministrisë së Punëve të Jashtme.
“Çështja palestineze mund të zgjidhet vetëm përmes jetësimit të një Shteti Palestinez të pavarur, sovran dhe brenda një vazhdimësie gjeografike të bazuar në kufijtë e 1967-s dhe me Jerusalemin Lindor si kryeqytet, gjë kjo që është theksuar shumë herë me rezoluta të ndryshme të OKB-së,” vijon komunikata, shkruan TRT.
“Ne i bëjmë thirrje lidershipit të Kosovës që t’i respektojë rezolutat në fjalë dhe të përmbahet nga hedhja e hapave të tillë, të cilët do të cenonin statusin historik dhe juridik të Jerusalemit dhe do të pengonin njohjen e Kosovës edhe nga shtete të tjera në të ardhmen”,- është apeli që i bëhet Kosovës.
Të ngjashme
Të tjera nga Lajme
E-Diaspora
-
Kurti dhe Rozeta Hajdari vizituan Panairin e “Hannover Messe 2024” Gjermani: Ministrja e Industrisë, Ndërmarrësisë dhe Tregtisë, Rozeta Hajdari, së bashku me kryeministrin e Republikës së...
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë