Udhëtimi me aeroplan, kurrë më i sigurt se në vitin 2012

Sipas qendrës gjermane linjat ajrore nga Evropa, Hong Kongu dhe Zelanda e Re kanë marrë vlerësimin më të lartë për siguri

Viti i kaluar ishte më i sigurti në historinë e fluturimeve me aeroplan. Këtë vlerësim të sigurisë së transportit ajror e ka bërë qendra gjermane “Jet Airliner Crash Data Evaluation Centre” (JACDEC), e cila ka publikuar një listë të linjave ajrore më të sigurta dhe më pak të sigurt në vitin 2012.

Sipas qendrës gjermane  linjat ajrore nga Evropa, Hong Kongu dhe Zelanda e Re kanë marrë vlerësimin më të lartë për siguri.

Indeksi i sigurisë përcaktohet duke marrë parasysh kohëzgjatjen e shërbimit të një kompanie ajrore, nga numri i përgjithshëm i aeroplanëve të shkatërruar që nga viti 1983, kur JACDEC kishte filluar me përcjelljen e linjave ajrore.

Vitin e kaluar janë regjistruar një total prej 496 incidenteve  në fluturimet komerciale, dy më pak se vitin 2011.

Aksidenti më i rëndë ajror ka ndodhur më tre qershor, kur aeroplani i kompanisë “Dana Air“ është rrëzuar në afërsi të Lagos në Nigeri. Në këtë aksident kanë humbur jetën 163 persona.

Edhe “Wall Street Journal” kishte publikuar një artikull me të dhënat e sigurisë nga fluturimet duke terguar se fluturimet komerciale janë më së paku të rrezikshme që nga vitet gjashtëdhjeta.

Vitin e kaluar në mbarë botën sipas “Wall Street Journal”  janë rrëzuar  23 aeroplanë, kryesisht në Afrikë. Mesatarja në dhjetë vjetët e fundit është 34 ndërsa në SHBA nuk ka pasur aksdente fatale ajrore që nga viti 2009.

Kompanitë ajrore nga Amerika e Veriut dhe Azia janë më të sigurta, ndërsa ato nga Afrika dhe zona e Karaibeve janë më pak të besueshme.

Lista e 10 aviokompanive më sigurta, të paktën sipas vlerësimit të JACDEC:

 http://www.jacdec.de/jacdec_safety_ranking_2012.htm

 

 

 

 

 

 

    

 

 

---