Nuk dihet nëse ka shqiptarë në mesin e viktimave në Bronx të Nju-Jorkut

(AP Photo/Christophe Ena)

Mbrëmë ka ndodhur një shpërthim zjarri në një ndërtesë në Bronx të Nju-Jorkut, ku mbetën të vdekur 19 persona, në mesin e tyre nëntë fëmijë dhe u lënduan dhjetëra të tjerë, transmeton albinfo.ch.

Ndërkohë, nga rasti i ndodhur, Konsullata e Përgjithshme e Republikës së Kosovës në Nju-Jork ka thënë se ende nuk dihet nëse në mesin e viktimave në Bronx ka shqiptarë, pasi ende nuk është konfirmuar identiteti i viktimave.

“Të prekur thellë nga tragjedia e sotme në Bronks të Nju-Jorkut. Zjarri, i cili kaploi një ndërtesë banimi, la të vdekur 19 persona, 9 prej tyre fëmijë. Identiteti i viktimave akoma nuk është konfirmuar. Konsullata e Përgjithshme e Republikës së Kosovës në Nju-Jork është në kontakt me autoritetet lokale dhe deri më tani nuk kemi informatë nëse ndonjë shtetas yni ka pësuar në këtë tragjedi”, ka shkruar kjo konsullatë në Facebook.