Integrimi

Ulet ndjeshëm numri i natyralizimeve, 100 nga Maqedonia dhe 60 nga Kosova

Pyetja që lind natyrshëm është se pse në Thurgau ka zvogëlim të personave të natyralizuar, ndërsa në gjithë Zvicrën përsëri kemi një rritje të vogël?

Numri i natyralizimeve në 2017 është ulur ndjeshëm në krahasim me vitin paraprak, shkruan tagblatt.ch për kantonin e Thurgau.

Më konkretisht: në 2016 në kantonin Thurgau u natyralizuan 925 persona, ndërsa gjatë 2017 ky numër është për rreth 100 më i vogël – ose 831 persona.

Pyetja që lind natyrshëm është se pse në Thurgau ka zvogëlim të personave të natyralizuar, ndërsa në gjithë Zvicrën përsëri kemi një rritje të vogël?

Kjo lidhet kryesisht me ashpërsimin e ligjeve në këtë kanton për marrjen e pasaportës së kuqe, përcjell albinfo.ch.

Nëse bëhet fjalë për shtetasit e ri, shumica ishin gjermanë (200) dhe italianë (120) – ndjekur më pas nga Maqedonia (100), Kosova (60) dhe Turqia (50).