Bota

Për ish kandidatin presidencial të Austrisë, Hofer, “Kosova është Serbi”

Gjatë zgjedhjeve Hofer ka pasur përkrahje të madhe nga komuniteti serb që jeton në Austri, ndërsa në mënyrë të përsëritur ai ka folur për shqetësimet e 130 mijë serbëve të lindur në Austri

“Kosova është pjesë e Serbisë”, kështu ka deklaruar për gazetën serbe “Kurier” ultranacionalisti austriak Norbert Hofer i cili javë më parë humbi zgjedhjet për president të Austrisë ndaj kandidatit të gjelbër, Aleksander Van der Bellen.

Kosova është e pavarur që nga viti 2008, dhe Republika e Austrisë është ndër vendet e para që e ka njohur shtet Kosovën, por jo edhe për Norbert Hofer, shkruan gazeta “heute.at”, përcjell “albinfo.ch”.

Gazeta shkruan se Kosova tashmë është njohur nga 111 shtete, ndërsa po të ishte Hofer, Kosova nuk do të ishte as pjesë e asnjë organizate ndërkombëtare.

Gjatë zgjedhjeve Hofer ka pasur përkrahje të madhe nga komuniteti serb që jeton  në Austri, ndërsa në mënyrë të përsëritur ai ka folur për shqetësimet e 130 mijë serbëve të lindur në Austri.