Kultura
“URACult Classics”: Muzikë klasike shqiptare në Köln
Ky ishte koncerti i dytë i radhës, që shoqata kulturore URACult organizon me muzikë klasike në Köln dhe qëllimi është që ky koncert të mbahet çdo vit
Edicioni i dytë i “URACult Classics” i shoqatës kulturore URACult të dielën e kaluar, mblodhi adhurues të shumtë të muzikës klasike në sallën e “Altes Pfandhaus“ në Köln. Muzikantë të shquar dhe pedagogë të Fakultetit të Muzikës nga Universiteti “Haxhi Zeka” në Pejë, sollën një program të larmishëm me vepra të kompozitorëve shqiptarë nga Kosova dhe Shqipëria.
Nën moderimin e pianistit dhe dirigjentit Desar Sulejmani, pianistet Syzana Jakupi, Mimoza Pajaziti – Drançolli, mexosopranoja Besa Berberi, flautistja Dardane Nallbani, klarinetisti Fatbardh Gashi e oboisti Arsim Kelmendi prezantuan para publikut shqiptaro – gjerman në “Altes Pfandhaus” në Köln një program të larmishëm me vepra të muzikës së dhomës nga Bashkim Shehu, Rafet Rudi, Rauf Dhomi, Isak Shehu, Vinçenc Gjini, Trimor Dhomi, Drinor Zymberi, Valton Beqiri.
Ky ishte koncerti i dytë i radhës, që shoqata kulturore URACult organizon me muzikë klasike në Köln dhe qëllimi është që ky koncert të mbahet çdo vit.
Synimet e kësaj shoqate janë bashkëpunimet e vazhdueshme mes artistëve nga vendet shqiptare në Ballkan dhe komunitetit shqiptaro – gjerman që jeton dhe është integruar prej vitesh në Gjermani. Edhe ky koncert ofroi vepra dhe stile kompozicionale, të cilat zgjuan interes dhe vëmendje të veçantë tek të pranishmit. Edhe një herë kultura shqiptare nga të dy anët e kufirit politik mundësoi ngritjen e urave të bashkëpunimit, arriti të tregojë vlerat e saj universale për të qenë e denjë me simotrat e saja evropiane.
Me organizimin e aktiviteteve të ngjashme në lëmin e kulturës, URACult dëshmoi edhe një herë se është një përcjellës dhe mbështetës aktiv i zhvillimeve më të mira artistike shqiptare në Gjermani dhe se palodhshëm shërben si urë lidhëse mes Ballkanit dhe Gjermanisë.
Të tjera nga Kultura
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Komiteti parlamentar zviceran mbështet planin e ndihmës për Ukrainën Një komitet parlamentar zviceran ka votuar për të mbështetur një kontribut ndihme prej 5 miliardë CHF...
-
Zvicër: Më 2024 priten më shumë zjarre për shkak të ngrohjes globale
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane