Ushtria e Kosovës trajnohet për qitje me mortaja luftarake

Ministri i Mbrojtjes së Kosovës Armend Mehaj, ka njoftuar se forcat ushtarake të Kosovës kanë përfunduar me sukses trajnimin për qitje luftarake me mortaja.

“Shtohen kapacitetet tona të specializuara me armë të zjarrit indirekt për mbështetje të afërt me zjarr me kalibra dhe municione të ndryshme.
Në kuadër të bashkëpunimit dypalësh ushtarak në mes të Forcave të Armatosura të Republikës së Shqipërisë dhe FSK-së, nën drejtimin e instruktorëve të forcave tokësore shqiptare, është realizuar me sukses trajnimi i përbashkët me realizimin e qitjeve luftarake me mortaja dhe xhenion luftarake, në poligonin kombëtar të Bizës”, shkruan Mehaj, transmeton Albinfo.ch.