Vaksinimi kundër Covid-it në Zvicër, edhe vitin e ardhshëm, falas

Qeveria vazhdon të rimbursojë vaksinimet për njerëzit që jetojnë në Zvicër, por nuk i nënshtrohen sigurimit të detyrueshëm shëndetësor

Vaksinimi kundër Covid-19 do të jetë falas për popullatën zvicerane edhe në vitin 2023. Këshilli Federal ka ndryshuar të premten urdhëresën për epideminë.

Masa prek vaksinat e rekomanduara që nuk mbulohen nga sigurimi i detyrueshëm shëndetësor, transmeton albinfo.ch. Bëhet fjalë veçanërisht për vaksinimet në farmaci, siç shkruan qeveria e shtetit në një komunikatë.

Qeveria Federale gjithashtu vazhdon të rimbursojë vaksinimet për njerëzit që jetojnë në Zvicër, por nuk i nënshtrohen sigurimit të detyrueshëm shëndetësor, dhe për udhëtarët ndërkufitarë.

---