Përfundon vala e të nxehtit në Austri

dimitry-anikin-unsplash

Vala e fundit e të nxehtit të kësaj vere ka marrë fund me temperaturat në gjithë Austrinë që kanë rënë me 10 gradë Celsius ose më shumë këtë javë, shoqëruar me shira të dendur të hënën.

Një tjetër front i ftohtë pritet të sjellë temperatura edhe më të ulëta nga e enjtja, me më shumë reshje shiu në pjesën më të madhe të vendit. Temperaturat gjatë natës në Vjenë dhe qytete të tjera të mëdha pritet të bien në një shifër në gjysmën e fundit të javës, transmeton albinfo.at.

Periudha e ftohtë pason verën e dytë më të nxehtë të Austrisë në rekord, pak pas vitit 2003, kur merren parasysh zonat malore dhe ato fushore. Sipas Geosphere Austria, vetëm në ultësira kjo verë ishte 2.1 C mbi temperaturën mesatare për periudhën klimatike 1991-2020 dhe 3.9 C mbi mesataren 1961-1990. Në male, ishte 2.2 C më i lartë se mesatarja 1991-2020 dhe 3.9 C mbi periudhën klimatike 1961-1990, shkruan theinternational.at.

Disa qytete, përfshirë Vjenën dhe Linzin, gjithashtu shënuan një numër rekord të netëve tropikale, kur temperaturat mbetën mbi 20 gradë Celsius.