Valë e emigrantëve në Austri, 400 persona kalojnë kufirin çdo ditë

Keystone (AP Photo/Sergei Grits)

Autoritetet austriake janë shumë të shqetësuara, pasi numri aktual i emigrantëve i ngjan valës së madhe të vitit 2015.

Gjendja e jashtëzakonshme mbretëron në kufirin austro-hungarez, në provincën Burgenland.

Sipas të dhënave të policisë së krahinës, në atë kufi gjenden mesatarisht 3 mijë migrantë të paligjshëm. Çdo ditë, policia gjen rreth 400 emigrantë të paligjshëm dhe në disa ditë nga 700 deri në 800.

Situata prej muajsh po rëndon mbi policinë dhe ushtrinë dhe javët e fundit situata është përshkallëzuar. Që nga korriku, kur kishte 250 emigrantë në ditë, numri është dyfishuar.

Edhe kontrabandistët po bëhen gjithnjë e më brutalë në veprimet e tyre, siç e dëshmojnë incidentet dramatike, aksidentet e shkaktuara nga ikja nga policia, ku mbesin të plagosur emigrantët që transportohen në masë nga kontrabandistët me makina, shkruan “Reuters”, përcjell albinfo.at.