Lajme
Vandalizohet me ngjyrë të kuqe konsullata e Rusisë në Nju-Jork
Konsullata e Rusisë në Nju-Jork të Shteteve të Bashkuara është vandalizuar me ngjyrë të kuqe. Kjo po vlerësohet si shenjë e qartë proteste kundër pushtimit rus të Ukrainës.
Zyrtarët thanë se i janë përgjigjur një thirrjeje urgjente pak pas orës 1 e 30 minuta pas mesnatës të premten me raportimin se është hedhur ngjyrë në fasadën e konsullatës në Manhattan, shkruan “The Guardian”, përcjell Albinfo.ch.
Një zëdhënës i policisë tha se është duke u zhvilluar një hetim për mundësinë e një “incidenti paragjykues” dhe se asnjë person nuk është arrestuar për këtë rast.
Rosie Morse, pensionere që jeton në lagjen afër konsullatës, tha se ngjyra duket si vepër arti.
“Sidoqoftë, kuptimi është që ta shprehim ndjenjën tonë për Putinin dhe nuk mund të them që nuk pajtohem”, tha ajo për agjencinë franceze të lajmeve, AFP.
“Është vandalizëm, por është shprehje se si njerëzit në Nju-Jork po kuptojnë që Putini po vret njerëz”, tha një person tjetër, i quajtur Romen Eaulin.
Ngjyra e kuqe në murin e konsullatës ruse u hodh disa orë para se presidenti rus ta shpallte aneksimin e katër rajoneve ukrainase në Rusi.
Në pamjet e incizuara nga kamerat e sigurisë shihet një person i maskuar duke hedhur sprej në muret e konsullatës natën. Përreth ndërtesës nuk u pa ndonjë rojë.
Fotografitë e konsullatës së vandalizuar nxitën shumë reagime në internet. Dikush shkroi: “Ne duhet të aneksojmë një të tretën e saj dhe të pretendojmë se stafi deshi që ta denazifikonte atë”, duke iu referuar qartazi termit që Putini e ka përdorur për “denazifikimin” e Ukrainës.
E-Diaspora
-
Osmani: Mërgata, urë lidhëse mes Kosovës e Zvicrës Presidentja e Kosovës, Vjosa Osmani, ka pritur në takim ndihmës sekretaren e shtetit dhe shefen e...
-
Floriani 10 vjeçar bën selfie me Xhakën, i kushtoi babait të tij 2600 franga
-
Detaje nga rasti kur një shtetas nga Kosova vrau pronarin e biznesit në Dyseldorf
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
Jeta në Zvicër
-
Floriani 10 vjeçar bën selfie me Xhakën, i kushtoi babait të tij 2600 franga Floriani i vogël (10) është një tifoz i madh i Granit Xhakës: Nëntorin e kaluar, ai...
-
Pse 1 Maji nuk është festë publike kudo në Zvicër?
-
E hëna në Zvicër: Përmbledhje e lajmeve më të fundit
-
Çfarë do të votohet në Cyrih më 9 qershor?
-
Rriten rastet e abuzimit psikologjik të fëmijëve në Zvicër