Vaud: Thirrje për mobilizim në votimet e 10 prillit

Qeveria e Kantonit Vaud mund të rrëshqet në të djathtë ne koalicion me ekstremin e djathte. Dy politikane komunal shqiptare i ftojne bashkekombasit te votojne kete te diele

Këtë të diele me 10 prill 2022 mbahet raundi i dytë i zgjedhjeve për Qeverinë e Kantonit Vaud. Këto zgjedhje kanë një rëndësi shumë të madhe ngase është mundësia të thyhet ekuilibri politik i krijuar që prej 12 vitesh në këtë kanton.

Kantoni Vaud është i drejtuar prej vitit 2010 nga një qeveri e majtë dhe një Parlament të djathtë. Ky konfigurim politikë mundësonte një stabilitet politik të kantonit dhe një progres më të madh të çështjeve që kanë të bëjnë me të arriturat sociale, shëndetësore, arsimit dhe po ashtu krijimin e një kantonit ekonomikisht kompetitivë e atraktiv.

“Në rast të humbjes së Aleancës së majtë në këto zgjedhje humbet ekuilibri politik i krijuar dhe po ashtu i gjithë progresi i bërë në fushat sociale, arsimore, shëndetësore dhe në rritjen e kapaciteteve të çerdheve nëpër komuna të kantonit do të njohin një stagnim të madh.”, thotë politikani shqiptar Musa Kamenica.

Për politikanin dhe deputetin e Lozanës, Musa Kamenica, emër i njohur i komunitetit shqiptar është shumë e rëndësishme që qytetarët tanë me të drejtë vote duhet që të dalin të votojnë në zgjedhjet e kësaj të diele për të ruajtur stabilitetin politik në këtë kanton.

Edhe politikani tjetër shqiptar nga komuna Ecublens, Naser Iseni, është me rëndësi të veçantë të rritet numri i votuesve sidomos e votuesve me orientim të majtë për të favorizuar listën Partisë Socialiste PS dhe të Gjelbërit për t’i mundësuar listës së djathtë dhe ekstremit të djathtë të marrin ekzekutivin e kantonit duke parë që parlamentin e ka fituar e djathta.

Iseni kërkon mobilizim të votuesve me origjinë të huaj për arsye që, sipas tij, do të ketë pasoja negative nga aspekti  social, pedagogjik, ekonomik, investimet, dhe tjera lami të ekonomisë.

«Mirëqenia do të jetë e rrezikuara në rast se lista PLR – UDC fiton mazhorancën në ekzekutiv. Duke parë se në legjislacionin e kaluar PS dhe  të Gjelbërit kanë kryer punë kolosale në shumicën e lamive: shëndetësi, arsim, integrim etj.», tha Iseni duke kërkuar që të  votohet sa më shumë të dielën për prosperitetin dhe përfitimet e të gjithëve për të penguar  PLR dhe UDC që të frenojë, sipas tij, investimet në sektorë të lartë përmendura.

 

 

---