Kosova
Vazhdon emigrimi i të rinjve, pavarësisht pandemisë
Duket se eksodi i të rinjve nuk ka të ndalur as në kohën e pandemisë.
Që nga hapja e kufijve për të lëvizur drejt Gjermanisë me test negativ PCR, rimbushen terminët edhe për vizë pune. Këtë njohësit e rrethanave e shohin si vazhdimësi e dëshpërimit nga standardi i ulët i jetesës në vend, përcjell albinfo.ch.
Sipas analistit Maksuti, politikat e deritanishme janë fajtore për emigracionin, raporton Alsat M.
“Atyre iu mungojnë reformat në drejtësi, iu mungon konsolidimi i shtetit juridik, iu mungon sundimi i të drejtës. Ata kanë vështirësi në fushën e arsimit, nuk gjejnë edukimin e merituar, nuk gjejnë shërbimet e nevojshme në shëndetësi. Barrën e përgjegjësisë e shoh përsëri tek politika! Kjo do të thotë se politika atë që nuk e ka bërë deri më sot, kjo situatë më tutje paraqet një kambanë alarmi”, tha Mersim Maksuti, analist.
Statistikat tregojnë se çdo i katërti person ka kërkuar punë jashtë kufijve të vendit. Përveç, fuqisë punëtore me zeje të ndryshme, rrugën drejt Perëndimit vazhdojnë ta marrin edhe profesionet më mirë të paguara. Ndonëse, janë në deficit, ikin kuadrot si mjekë, infermiere, arkitektë, inxhinierë e informatikës e të tjerë. Të rinjve nuk iu duket më interesante as puna e shtetit, thotë analisti Artan Dika.
“Është një sistem që ka dështuar të mbaj kuadrot apo trurin intelektual, ne vazhdimisht shohim politikanë që e kanë mbushur administratën publike me familjarë të tyre ndërsa flasin për depolitizimin e administratës. Shohim partitë që po shërbejnë si zyra punësimi, ku profesionalizmi dhe cilësia janë gjërat e fundit që kërkohen”, pohoi Artan Dika, analist.
Të dhënat e fundit të Ministrisë së Brendshme tregojnë se më tepër shtetas kanë dalë se sa kanë hyrë në vend. Vetëm gjatë korrikut, statistikat e policisë kufitare thonë se vendin e kanë lëshuar 56 mijë shtetas më shumë në raport me numrin e shtetasve që janë kthyer në vendlindje për pushimet e verës. /Albinfo.ch
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Bernë: Parukierja me kombinim të pazakontë – prerje, larje dhe këshilla juridike Parukierja në Bernë, Geraldine Scherler ka “guxuar” me një kombinim të pazakontë. Pse të zgjidhni midis...
-
Zgjedhjet Evropiane 2024: Një e katërta e popullsisë zvicerane ka të drejtë vote
-
Zvicër: 26-vjeçari vozit me 161 km/h në zonën e kufizimit 80 km/h
-
AAK – dega në Zvicër zgjedh strukturat drejtuese
-
Incidentet raciste në Zvicër – në rritje, veçanërisht në shkolla