Vdes kroati i gjykuar në Hagë pasi piu helmin në gjykatore

Ka vdekur në spital Slobodan Praljak, pasi piu helmin derisa po i shqiptohej dënimi në Hagë

Slobodan Praljak, i cili sot piu helm në bankën e të akuzuarve në Hagë,  ka vdekur në spital, shkruan “Mirror”.

Ngjarja ndodhi kur ai po kundërshtonte dënimin me 20 vjet burgim të shqiptuar në vitin 2013 për krime. Pasi dëgjoi se dënimi i tij ishte mbështetur këtë javë, ai i tha gjyqtarit: “Kam marrë helm”.

Slobodan Praljak ishte një nga gjashtë udhëheqësit politikë dhe ushtarakë kroatë të Bosnjës përpara gjykatës.