Vdes një 45-vjeçar nga gripi i derrit në Kosovë

R. Jashari (45-vjeçar) nga fshati Pogragjë në komunën e Gjilanit ka humbur jetën, pasi nuk mundi t’i mbijetojë sëmundjes së gripit të derrave.

Kjo është konfirmuar nga drejtori i Spitalit të Gjilanit, Nysret Hajrullahu, raportojnë mediat vendore në Kosovë.

Ndryshe R. Jashari ishte teknik medicional në Spitalin e Gjilanit, ndërsa ishte duke u rehabilituar prej kohësh në QKUK, përcjell albinfo.ch.

“Ai ishte prekur nga gripi i derrave, kurse për ne është një humbje e madhe dhe e pazëvendësueshme. Do ta kujtojmë gjatë, sepse ka lënë mbresa të mira si në punë, ashtu edhe në sjellje”, ka thënë Hajrullahu.