Lajme
Vera e vitit 2019, sezon rekord për turizmin zviceran
Rritja e numrit të bujtjeve është realizuar para së gjithash falë turistëve vendorë
Turizmi zviceran ka pasur këtë vit një sezon të shkëlqyer veror. Për më tepër, bëhet fjalë për numra rekordë të bujtjeve të regjistruara në hotelet zvicerane gjatë muajve të verës 2019.
Kështu, numri i bujtjeve në krahasim me sezonin veror të një viti më parë, ka qenë për 2.6% më i madh, vlerëson instituti kërkimor KOF i Universitetit ETH, KOF.
Rritja e numrit të bujtjeve është realizuar para së gjithash falë turistëve vendorë, shkruan srf.ch. Ata kanë regjistruar 3.2 për qind më shumë net të kaluara në hotelet e këtushme se një vit më parë. Edhe turistët e huaj kanë shënuar rritje të numrit të bujtjeve, por më pak se zviceranët, gjegjësisht 2.2%.
Hotelet në qytete kanë përfituar më shumë nga rritje, krahasuar me ato në male, zona rurale etj. Arsyeja e rritjes së turizmit në qytete ka të bëjë më tepër me shtimin e udhëtimeve zyrtare në qytetet e Zvicrës. Nga viti 206 deri në vitin 2018 ky lloj turizmi është rritur për 35%, konstaton KOF-i.
KOF parashikon që edhe sezoni i ardhshëm dimëror do të ketë një rritje. Kështu, në kushte klimatike mesatare, instituti në fjalë parasheh një rritje prej 2.1% të turizmit dimëror, në sezonin 2019-2020.
Të ngjashme
Të tjera nga Lajme
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit