Vetëm 6 % e naftës që hyn në Kosovë kontrollohet

Shoqata e Naftëtarëve të Kosovës  ka kërkuar nga Qeveria që të formojë një rregullator, i cilj do të merrej me cilësinë e naftës që hyn në Kosovë, ashtu siç kanë edhe vendet e rajonit

Shqetësimet e ngritura nga Shoqata e Naftarëve të Kosovës, për cilësin e naftës që hynë në Kosovë janë vërtetuar. Cilësinë e dobët të naftës e ka konfirmuar edhe superanaliza që Dogana e Kosovës ka bërë në laboratorët e akredituar, pasi që i ka marrë mostrat nga kontrolli që ka bërë në kufi.

Megjithatë, kontrolli i naftës për cilësi vazhdon të jetë në nivel të ulët. Vetëm 6 për qind kontrollohet nga Dogana e Kosovës, ndërsa pjesa tjetër hyn në treg pa u kontrolluar fare. Për këtë Shoqata e Naftëtarëve të Kosovës  ka kërkuar nga Qeveria që të formojë një rregullator, i cilj do të merrej me cilësinë e naftës që hyn në Kosovë, ashtu siç kanë edhe vendet e rajonit.

Koha Ditore shkruan se mbi 30 maune me naftë, të cilat kanë tentuar që të futen në Kosovë përmes pikave kufitare janë kthyer mbrapa për shkak të cilësis së dobët. Përveq cilësisë së dobët shteti i kosovar deri tash nuk ka arritur që ti fiskalizojë pompat e benzinës në vend për shkak të refuzimit të vazhdueshëm të tyre.