Vetoni, nga “më i bukuri i pishinës”, model i kërkuar në Zvicër

Nga zgjedhja e tij për "Mister Badi Beauty", 20 vjeçari Veton Loki brenda më pak se një viti bëhet model i suksesshëm në Zvicër

Shqiptari 20 vjeçar nga Schönbühli i Bernës, Veton Loki vitin e kaluar qe zgjedhur mister Badi-Beauty. Në këtë pozitë, të djaloshit më të pashëm në pishinat e Zvicrës, atë e kishin zgjedhur me vota online lexuesit e 20minuten.ch.

Nga ajo kohë ka kaluar gati një vit ndërsa Vetoni edhe vetë befasohet se sa ndryshime i ka sjellë në jetë atij një përzgjedhje e tillë rasti.

“Përnjëherë gjithçka filloi të lëvizte shumë shpejt. Një shooting këtu, një parakalim mode atje dhe ende pa ardhur mirë në vete unë tashmë kisha organizuar një seri spektaklesh me mis Bern 2008, Emilie Lindblom dhe DJ Cut Supreme. Dhe e gjithë kjo vetëm për faktin se isha zgjedhur nga lexuesit e 20 Minuten Online si “mister Badi Beauty”, flet me entuziazëm tekniku i ri i dhëmbëve nga Schönbühli tek kujton karrierën e papritur prej modeli.

Por, shton ai, “nuk i kam pranuar të gjitha ofertat që më kanë ardhur. Më ishte ofruar të modeloja për Dior-in në Cyrih, por rrobat që duhej t`i vishja, ishin tepër femërore për shijen time dhe nuk shkonin me stilin tim sportiv. Dhe fundja, profesioni im parësor nuk është modelimi, kështu që mund ta bëj vetëm atë që më shkakton kënaqësi.”

Foto galeri