(Video) Futbollistët shqiptarë shpërthejnë në gola

Baseli barazoi 1-1 në fushën e Lugano, një ndeshje ku shumë shqiptarë ishin në fushë. Golin për miqtë e shënoi kosovari Albian Ajeti, i cili përfaqëson Zvicrën. Ndërsa për vendasit barazoi shifrat Sabbatini.

Titullar për këtë sfidë si zakonisht luajti edhe Taulant Xhaka, ndërsa në minutën e 71-të zbriti në fushë kundër tij Armando Sadiku, i cili nuk arriti të lërë gjurmë me gol në këtë ndeshje.

Minuta pati edhe për Edon Zhegrovën. Talenti i Kosovës u hodh në fushë në minutën e 66-të, duke u rikthyer të luajë pas dy ndeshjeve që qëndroi në stol.

Ndërkohë Benjamin Kololli u bë protagonist absolut me dy golat e tij për Zurich, në barazim 2-2 në fushën e Thun. Një herë nga pika e bardhë e penalltisë dhe me një goditje të saktë nga brenda zone, sulmuesi i Kosovës i dha një pikë me vlerë skuadrës së tij, shkruan Telesport, përcjell albinfo.ch.