VIDEO: Industria kosovare e përpunimit të drurit, një histori suksesi që prezantohet në Zvicër

Organizuar nga platforma mediale Albinfo.ch (Online&Print), në mbështetje në kuadër të projektit “Nxitja e Mundësive të Punësimit dhe Rritjes” – FEGO, i cili implementohet nga Swisscontact, në bashkëpunim me Komunën e Ferizajit, përmes Shqotës së Përpunuesve të Drurit të Kosovës rreth 20 biznese të përpunimit te drurit nga Ferizaj po qëndrojnë në Cyrih ku kanë pasur mundësi që gjatë ditës të takohen me disa biznese të udhëhequra nga shqiptarët në Zvicër.

Në kuadër të kësaj vizite ditën e premte, më 5 maj 2023 është organizuar një ngjarje për prezantimin e kompanive të përpunimit të Drurit nga Ferizaji në Zvicër, e cila është mbajtur në Bad Zurzach.

Objektivi kryesor i këtij eventi ishte promovimi i prodhuesve të përpunimit të drurit nga Ferizaji i Kosovës.

Përpunimi i drurit në Ferizaj paraqet njërin nga sektorët më të përhapur të bizneseve dhe zë vend nga më të rëndësishmit në pasqyrën e përgjithshme dhe historisë ekonomike të kësaj komune në Kosovë.

---