Lajme

Virologu gjerman paralajmëron 100,000 raste Covid-19 në ditë nëse masat shfuqizohen herët

Christian Drosten ka paralajmëruar që Gjermania mund të shohë deri në 100,000 infeksione Covid-19 në ditë nëse numrat nuk rrëzohen dhe masat zbuten shumë shpejt.

Në një intervistë me Spiegel botuar të premten, virologu në spitalin Charité të Berlinit tha se do të ishte e rrezikshme të hiqeshin masat Covid-19 shumë herët kur vaksinimet janë akoma në vazhdim, përcjell albinfo.ch

Drosten tha se askush nuk e di me siguri se sa do të zgjasë pandemia, por “ne absolutisht duhet të arrijmë të mos fluturojmë jashtë pistave”. Gjermania tani duhet të këmbëngulë dhe “të vendosë frenat, edhe nëse janë të ndryshkur”, tha ai.

Në funksion të variantit më ngjitës të virusit B.1.1.7 nga Britania e Madhe, numrat e rasteve tani duhet të shtyhen sa më shumë që të jetë e mundur, tha virologu.

“Do të ishte absolutisht e dëshirueshme që të paktën të synojmë zeron tani”, shtoi ai, përcjell tutje albinfo.ch


LAJME INTERESANTE NGA INTERNETI