Futboll
Kombëtarja e Danimarkës ka vlerë rreth 350 milionë euro, Erikseni, sa dy herë Kosova
Kombëtarja e Danimarkës në futboll do të zbresë të enjten në arenën simpatike “Fadil Vokrri”, për t’u përballur me sensacionin e Ligës së Kombeve, Kosovën.
Danezët, që për herë të parë kanë shkelur në Kosovë të martën në mbrëmje, renditen 120 pozita më lart sesa kosovarët, por kjo nuk i ka penguar që të udhëtojnë për miqësoren e së enjtes, me yjet më të mëdha që kanë.
Përballë Kosovës do të jetë kombëtarja që, në total, vlen 347 milionë euro, apo, thënë ndryshe, vlera totale e lojtarëve danezë në treg është tetë herë më e madhe sesa e Kosovës.
Lojtari më i vlefshëm te Danimarka është Christian Eriksen që luan te Tottenhami, raporton KTV, përcjell albinfo.ch.
Vlera e tij në transfermakt prek shifrën e 89.4 milionë euro, dy herë më shumë sesa e Kosovës e cila, e tëra vlerësohet me rreth 47 milionë euro.
Përveç Eriksenit, Danimarka ka edhe yje të tjerë në skuadër si Christensen i Chelseat, Yussuf Poulseni i Leipzigut , Thomas Delaney i Dortmundit, Kasper Dolbergu i Ajaxit e portieri Schmaichelli i Leicester Cityt.
Danimarka, suksesin më të madh në histori e ka arritur në vitin 1992, ku është shpallur kampione e Evropës, kurse tri vjet më vonë e ka fituar Kupën e Konfederatave.
Danezët kanë fituar edhe Medaljen e Artë në Lojërat Olimpike të vitit 1906 si dhe të argjendtën në vitin 1948.
Në kampionat botëror, arritja më e madhe ka qenë në vitin 1998, ku kishte prekur çerekfinalen, kurse në botërorin e fundit ishte në mesin e 16-të shteteve më të mira.
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën