Vlora rekomandohet nga italianët për tu vizituar

Media italiane, “Siviaggia”, e profilizuar në turizëm dhe udhëtime, ka shkruar një artikull të gjatë mbi Shqipërinë si destinacion turistik për këtë verë, specifikisht për qytetin e Vlorës.

Gjatë artikullit nuk janë lënë pa përmendur me detaje, përshkrime të shumta të qytetit bregdetar të Vlorës, detit, natyrës dhe ndërtesave të reja për pushuesit që ofron vendi në këtë sezon të ri turistik, transmeton ‘Scan’.

Reklamë u është bërë dhe pikave të tjera të vijës jugore të vendit, duke përfshirë këtu plazhin e Radhimës, Ujin e Ftohtë etj, përcjell albinfo.ch.

Gjithashtu gjatë shkrimit theksi është vendosur edhe në vlerat historike të qytetit duke përmendur lidhjet e forta mes Italisë dhe Vlorës në veçanti, duke krijuar kështu një ndikim më ftues për pushuesit e huaj.