Vogëlushi Eris Durmishi “Little Mister Galaxy 2016”

Ka përfunduar gara ndërkombëtare në Gjeorgji Little Miss & Mister GALXY 2016, që fillojime dt. 1 prill në kryeqytetin Tbilis, duke vazhduar me finale që u mbajt më 6 prill në qytetin turistik Kutaisi.

Në këtë festival ndërkombëtar për talent dhe bukuri, Kosova u përfaqësua nga njëmbëdhjetë vjeçari nga Mitrovica, Eris Durmishi, i cili në kategorinë që i përkiste moshës së tij deri 13 vjeç, mori çmimin Little Mister Galxy 2016.

Këtë çmim ai e mori para një jurie profesionale ndërkombëtare, e përbërë nga 21 antarë, duke bërë kështu jehonë të madhe edhe tek mediat e huaja, sidomos ato të Gjeorgjisë.

Erisi përveç talentit dhe bukurisë në Gjeorgji, prezantoi edhe kulturën dhe traditat kosovare, në mënyrën më të mirë të mundshme, pasi që në çdo paraqitje të tij, shteti i Kosovës ishte i barabartë me shtetet tjera nga Evropa dhe kontinentet tjera.

Me rastin e këtij evenimenti me përmasa botërore, Erisi u prit në një takim zyrtar me kryetarin Bashkisë Kutaisi dhe Guvernatori Imereti , duke shkëmbyer dhurata, me ç` rast Erisi u dhuroj atyre simbolet dhe flamurin e shtetit të Kosovës.

Gara Little Miss&Mister Galaxy 2016, ku morën pjesë përfaqësuesit e vendeve nga Evropa dhe kontinetet tjera , u mbajt nën përkujdesjen e presidentes Irina Papazova dhe organizatores, Ekaterine Mgalobilshvili.