Vuçiq i adresohet popullit serb: Na presin masa të ashpra nëse s’e pranojmë planin franko-gjerman

Presidenti i Serbisë, Aleksandar Vuçiq, në një adresim për media në Beograd ka bërë të ditur se Serbia do të përballet me masa të ashpra, përfshirë ndalimi i procesit të integrimit evropian, tërheqja e fondeve dhe ndryshim të regjimit të vizave, nëse nuk e pranon propozimin evropian që njihet si franko-gjerman, përcjell albinfo.ch.

“Të gjithë kemi parë versione të planit franko-gjerman. Nuk është më vetëm i tyre dhe për këtë do të flasim më vonë. Kur shikoni një letër, gjeni lehtësisht kundërshtime dhe në atë letër nuk ka asgjë me të cilën mund të jemi të kënaqur. Kam marrë pjesë në të gjitha bisedimet, qysh edhe prej kohës kur në krye ishte Ivica Daçiq, dhe nuk është dukur kurrë kështu. Shtrohet pyetja pse? Fakti është se rrethanat gjeopolitike kanë ndryshuar, Evropa është de facto në një luftë. Nuk ka tolerancë për të kërcyer në kuptimin politik, dhe nga ana tjetër, duan në oborrin e tyre, dhe jemi në oborrin e tyre, duan çdo gjë qysh kanë dëshirë ata”, theksoi Vuçiq.

 

---