Kosova
VV: Disa me Kurtin, disa me Aidën
Kjo ka ndarë në dysh edhe deputetët e Lëvizjes Vetëvendosje, që disa e përkrahin deputeten Dërguti, e disa Kurtin
Fyerja që i ka bërë deputetja e Lëvizjes Vetëvendosje, Aida Dërguti, ish-kreut të kësaj partie, Albin Kurti, ka nxitur reagime të shumta, sidomos tek aktivistët e VV-së, transmeton albinfo.ch. Por kjo ka ndarë në dysh edhe deputetët e Lëvizjes Vetëvendosje, që disa e përkrahin deputeten Dërguti, e disa Kurtin.
Deputeti i Lëvizjes Vetëvendosje, Xhelal Sveçla, i ka dalë në krah ish-liderit të kësaj partie, Albin Kurti, i cili është ofenduar nga deputetja Aida Dërguti gjatë një komunikimi të brendshëm mes deputetëve të Vetëvendosjes. Sveçla, në një postim në Facebook, ka shkruar se kjo nuk është mënyra më e mirë për të komunikuar, megjithatë është e detyrueshme, për shkak të situatave dhe keqinformimit që po mbillet nga shumë anë.
“Zonja Dërguti mban përgjegjësi vetë për veprimet e veta. Unë mund të falënderoj të gjithë aktivistët dhe mbështetësit e Lëvizjes, të cilët nuk e kanë përdorur gjuhën banale ndaj deputetes Dërguti. Gjuha banale dhe propaganda tip “pronto” nuk është e pranueshme brenda organizatës sonë. Kush ka kritika ndaj Albin Kurtit, apo ndaj kujtdo tjetër, është i ftuar të flasë me argumente, madje edhe të garojë në zgjedhjet e brendshme, e le të matet me vota siç e kërkon demokracia e brendshme. Por, diktati dhe shantazhi është i papranueshëm, nga kushdo që vjen”, ka shkruar ai.
Ndërsa deputetja Shqipe Pantina i ka dalë në mbrojtje bashkëpartiakes së saj. “Aida edhe në të kaluarën është sulmuar e edhe është fyer (i mbani mend ata shefat e veteranëve) nga shume burra, por ajo u bëri ballë atyre, nuk luftoi as me bërryla e as dhelpërisht, por haptazi dhe qartazi e ballë për ballë. Aida edhe sot haptazi e qartazi e sinqerisht po e thotë të vërteten e saj, i pëlqeu apo jo dikujt”, ka shkruar Pantina.
E-Diaspora
-
Hapet në Toronto Java e Kulturës së Kosovës Mbrëmjen e së shtunës në Toronto është hapur Java e Kulturës së Kosovës në Kanada me...
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
Jeta në Zvicër
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër” Nën realizimin e Konsullatës së Republikës së Kosovës në Cyrih këtë fundjavë është zhvilluar seminari me...
-
Valais: Dy turistë vdesin si pasojë e një orteku, i treti mbijetoi
-
Paraqitet si kroat, me pasaportë false – burgoset muratori nga Kosova
-
Si u bë Zvicra vendi nga ku rrjedh qumështi dhe çokollata
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim