Webcam e kompjuterit tuaj mund t’ju spiunojë

Kështu thotë një hulimtim nga Hopkins University John (Maryland)

Nëse jeni duke e lexuar këtë artikull në kompjuterin tuaj, është e mundshme që ndërkohë, falë webkamerës së ordinatorit tuaj, dikush është duke ju filmuar. Shumë shqetësuese, kur mendojmë një gjë të tillë.

Dy hulumtuesit nga  , Mathew Chechoway dhe Stephen Brocker, kanë botuar një studim që tregon se është e mundur që një hacker ta çaktivizojë dritën e një MacBook-u, e cila njofton përdoruesin që një webcam e kompjuterit është duke regjistruar.

Siç përmblidhet në shkrimin e botuar në “Washington Post”, me fjalë të tjera, në qoftë se një kompjuter ka një kamerë, është e mundur për dikë, qoftë qeveria federale ose një person me qëllime të këqija që të hyjë në ordinatorin tuaj për t’ju spiunuar në çdo kohë.

I pyetur nga “Washington Post”, Apple nuk ka bërë komente mbi këtë zbulim, edhe pse kanë thënë që janë njoftuar me zbulimet e këtyre dy studiuesve.

Ndërkohë, në qoftë se ju jeni ende të shqetësuar, ju gjithmonë mund të mbuloni me të zezë syrin e kamerës suaj në qoftë se nuk e përdorni atë. Por, duhet të keni parasysh që mikrofoni do të vazhdojë të regjistrojë zërat.