Xhaka, Shaqiri dhe Lichtsteiner kërkojnë falje për shqiponjën dykrenore

Qëllimi i gjithë kësaj mesa duket ka qenë për të kryer falje lojtarët me origjinë shqiptare, por jo vetëm, ndaj kryerjes së shqiponjës dykrenore në përballjen kundër Serbisë.

Ka habitur të gjithë tifozët zviceranë dalja e sotme për media e kombëtares helvete. Krahas trajnerit, të gjithë lojtarët tjerë ishin pjesë e konferencës për shtyp, shkruan albinfo.ch..

Intervista është mbajtur në hotelin e Feusisberg SZ, ku krahas trajnerit Vladimir Petkovic (55) në tavolinë qëndronin edhe Stephan Lichtsteiner, Granit Xhaka, Yann Sommer, Xherdan Shaqiri dhe Johan Djourou, përcjell albinfo.ch.

Qëllimi i gjithë kësaj mesa duket ka qenë për të kryer falje lojtarët me origjinë shqiptare, por jo vetëm, ndaj kryerjes së shqiponjës dykrenore në përballjen kundër Serbisë.

Dhe në fakt kështu ndodhi. Granit Xhaka tha se: “Do të isha budalla, nëse do ta bëja përsëri. Nuk do të ndodhë më”. Kurse bashkëlojtari i tij zviceran Stephan Lichtsteiner shtoi: “Kërkoj falje, nuk dua t’i hap probleme askujt”. Edhe Xherdan Shaqiri ishte në këtë linjë, por më i butë: “Sigurisht, kërkoj falje, nëse njerëzit ndihen të sulmuar, duke parë ndeshjen nëpër male…”.

Shumë media dhe legjenda të futbollit zviceran reaguan ashpër për gjestin e shqiponjës dykrenore, kurse disa sosh paralajmëruan se Xhaka nuk meritonte të mbante shiritin e kapitenit.

---