Futboll

Xhaka shënon për Arsenalin, duartrokitet nga tifozët

Arsenal vijon të kryesojë renditjen e Premier League, pasi mundi 3-1 Tottenham në derbin e Londrës. “Topçinjtë” shënuan të parët, në të 20′, me anë të Partey, por pjesa e parë u mbyll në barazim, pasi Harry Kane barazoi rezultatin në të 31-in,  përcjell Albinfo.ch.

Në fillim të pjesës së dytë Gabriel Jesus riktheu Arsenalin në epërsi, ndërsa në të 67’, Granit Xhaka vulosi fitoren. Përtej golit, Xhaka fitoi edhe duartrokitjet dhe admirimin e tifozëve të Arsenal për paraqitjet e bëra së fundmi.

Edhe pse mund të ngushëllohet pak, goli i vetëm i Kane e ngjiti në kuotën e 100 të tillëve të realizuar në Premier League, në fushë kundërshtare, më shumë sesa kushdo tjetër. Në këtë renditje anglezi kaloi ish-sulmuesin e Arsenal, Thierry Henry.