Xhaka, ylli i Arsenalit

Granit Xhaka kishte notën më të lartë të ndeshjes, duke u vlerësuar me 8.2

Arsenali është në formë shumë të mirë këtë sezon. Pasi pësuan dy humbje në dy ndeshjet e para, londinezët kanë 21 ndeshje pa humbje në të gjitha garat, shkruan albinfo.ch.

Padyshim se merita të mëdha për këtë sukses kanë edhe dy futbollistët shqiptarë, Granit Xhaka dhe Shkodran Mustafi.

Xhaka ishte edhe futbollisti më i mirë i “Topçinjve” në ndeshjen e fundit ndaj Huddersfield Town, ku aktivizohet Florent Hadërgjonaj.

Granit Xhaka kishte notën më të lartë të ndeshjes, duke u vlerësuar me 8.2.

Për 66-të minuta luajti edhe Shkodran Mustafi, i cili u vlerësua me notë 6.6, ndërsa Florent Hadergjonaj u notua me 6.3.

Xhaka është ndër lojtarët e preferuar të trajnerit Unai Emery, duke qenë i pazëvendësueshëm.

---