Xhemajli përplaset me trajnerin Hizfeld

Janë acaruar raportet ndërmjet futbollistit shqiptar Blerim Xhemajli dhe seleksionuesit të përfaqësueses së Zvicrës në futboll, Ottmar Hizfeld

Përplasjet kanë nisur pas një interviste të Blerim Xhemajlit dhënë gazetës „Neu Luzerner Zeitung“, ku ai ishte cituar të ketë thënë se është më i mirë se dy futbollistët tjerë të përfqësueses së Zvicres, Inler dhe Schwegler.

Ndaj këtij deklarimi kishte reaguar ashpër seleksionuesi i përfaqësueses së Zvicrës në futboll, Ottmar Hizfeld.

Ky i fundit kishte marrë kritika nga Xhemajli se nuk po e vlerëson lojën e tij. “Unë mendoj se Hitzfeld nuk e njeh mirë  lojën time. Më duket e çuditshme se ai kurrë nuk vjen në lojën time. “, kishte deklaruar Xhemajli.

Megjithatë Mesfushori shqiptar kishte thënë në Malta se ishte keqinterpretuar.

Mirëpo për Hitzfeld, nëse Xhemajli thotë të mos ketë bërë një deklaratë të tillë është përgjegjësi e tij që ta korigjoj intervisten, nëse jo herën tjetër mund të fluturojë nga ekipi i Zvicres.

Kështu ka qenë ultimatumi i Hizfeldit për futbollistin Xhemajli.

Në të vërtet Xhemajli asnjëherë nuk arriti të luaj për përfaqësuesen e Zvicrës. Dhjetë ndeshjet, në të cilat ka luajtur Xhemajli në karrierën e tij për përfaqësuesen e Zvicres, vetëm një ishte lojë serioze.

Për herë të fundit më 1 prill të vitit 2009, Xhemajli erdhi si zëvendësues në minutën e 71,  në garat kualifikuese për Kupën e Botës në Moldavi.

Edhe në takimin me Malten ai do të jetë në banken rezervë. Hitzfeld vazhdon të mbështetesë dyshen Schwegler dhe Inler.Xhemajli luan për ekipin Parma, ku ishte huazuar nga Torino. Ai si futbollist është “rritur” te klubi zviceran Zuerich. Futbollisti shqiptar viteve të fundit është përballur me lëndime të shpeshta