Ylfete Fanaj, deputetja shumë aktive në Parlamentin e Kantonit të Lucernit

Fanaj ka qenë femra e parë shqiptare në Zvicër, e zgjedhur në një parlament kantoni dhe asamble komune

Ylfete Fanaj është zëri i shoqërisë shqiptare në diasporë, por edhe shoqërisë zvicerane.

Ajo është ndër deputetet më aktive në Parlamentin e Kantonit të Lucernit, shkruan albinfo.ch.

Fanaj është e katërta me 20 kërkesa apo pyetje parlamentare në listën aktiviteteve në parlamentin e këtij kantoni.

Për njohuri, Vorstösse është një përmbledhje e gjuhës parlamentare të gjermanishtes, do të thotë iniciativa parlamentare, pra ajo është shumë aktive në parlamentin kantonal.

Fanaj është aktive në politikë prej një kohë të gjatë. Ajo, nga viti 2011 ka qenë deputete e Partisë Socialdemokrate në Parlamentin e Kantonit të Lucernit. Para kësaj ajo ka përfaqësuar po këtë parti në Asamblenë e qytetit të Lucernit.

Fanaj ka qenë femra e parë shqiptare në Zvicër, e zgjedhur në një parlament kantoni dhe asamble komune.

Për një kohë Ylfete Fanaj ka qenë edhe kryetare e organizatës Second@s në nivel të Zvicrës.

Ajo ka qenë dhe është shumë aktive në jetën shoqërore të shqiptarëve të Zvicrës.

---